...

Azərbaycan müxalifətinin birləşdiyi blok fəaliyyətini dayandırmayacaq

Siyasət Materials 22 Oktyabr 2008 17:35

Trend-i buradan izləyin

Azərbaycan, Bakı, 22 oktyabr / Trend müxbir A.Hüseynbala / Azərbaycanın üç müxalifət partiyasının birləşdiyi "Azadlıq" bloku fəaliyyətini dayandırmaq niyyətində deyil.

"Prezident seçkisini boykot edən Müxalifətin Əməkdaşlıq Mərkəzində "Azadlıq" blokundakı kimi formalaşmış münasibət, qarşılıqlı etimad yoxdur", - çərşənbə günü Trend - a Vətəndaş və İnkişaf Partiyasının (VİP) sədri Əli Əliyev bildirib.

Trend - un arayışı: "Azadlıq" blokunda üç müxalifət partiyası - Azərbaycan Xalq Cəbhəsi (AXCP), Liberal (ALP), Vətəndaş və İnkişaf (VİP) partiyaları təmsil olunur. Müxalifətin Əməkdaşlıq Mərkəzinə isə, həmin üç partiyadan əlavə, Müsavat Partiyası və "Azərbaycan Naminə" İctimai Forum da daxildir.

"Azadlıq" blokuna daxil olan partiyalar - Xalq Cəbhəsi, Liberal Partiya, Vətəndaş və İnkişaf Partiyası və Müsavat Partiyası və "Azərbaycan Naminə" İctimai Forum oktyabrın 15 - də keçiriləcək prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri - legitim elan edilib.

Əliyev Müxalifətin Əməkdaşlıq Mərkəzinə (MƏM) daxil olan "beş"lərin daha geniş spektrdə digər siyasi hərəkatların hesabına genişlənməsini də məqbul hesab etmir.

"Biz dəfələrlə daxili müzakirələrdə bu məsələ ətrafında fikir mübadiləsi aparmışıq. Müxalifətin Əməkdaşlıq Mərkəzindən kənarda qalan qurumlarla münasibətlərimiz onların prezident seçkisinə mövqeyi, hakimiyyətlə mübarizə vasitələrimizə əsaslanır. Ancaq təəssüf ki, prezident seçkisinin yekunlaşması mərhələsində "beş"lərə uyğun münasibət sərgiləyən ikinci bir təşkilat olmadı. Ona görə, formatın genişlənməsi üçün zəmin görmürəm", - Əliyev deyib.

VİP sədrinin sözlərinə görə, "Azadlıq" blokunun ayrılıqda toplantılarının keçirilməməsi bir çox mühüm məsələlərin müzakirəsinin ağırlığının indi MƏM-in üzərinə düşməsi ilə bağlıdır.

Əliyev onu da əlavə edib ki, müxalifətin daha geniş əməkdaşlığı məsələsi gələcəkdə "Azadlıq" bloku çərçivəsində mütləq müzakirə olunmalıdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti