Azərbaycan Prezidenti İlham Əliyev cümə günü Koreya Respublikasının Prezidenti Li Men Bakı milli bayram - Dövlətin yaranması günü münasibətilə təbrik edib. Məlumatı AzərTAc Dövlət İnformasiya Agentliyi yayıb.
"Bu gün ölkələrimizi dostluq və sıx əməkdaşlıq münasibətləri birləşdirir. Əminəm ki, bir sıra sahələri əhatə edən birgə işimizin müvəffəqiyyətlə davam etdirilməsi və hərtərəfli genişləndirilməsi yolunda bundan sonra da ardıcıl səylər göstərəcəyik", - məktubda deyilir.
Prezident İlham Əliyev həmçinin Almaniya Federativ Respublikasının Federal Prezidenti Horst Kölerə milli bayram - Alman birliyi günü münasibəti ilə təbrik məktubu göndərib.
"Bu gün Azərbaycan-Almaniya münasibətləri yüksələn xətt üzrə inkişaf etməkdədir. Genişlənən ikitərəfli əlaqələrimiz, Avropa strukturları çərçivəsində əməkdaşlığımız münasibətlərimizin səciyyəvi amillərindəndir", - məktubda deyilir.
Prezident dost ölkələr arasında siyasi, iqtisadi əlaqələrin, humanitar sahədə əməkdaşlığın daha da dərinləşdirilməsi yolunda qarşılıqlı səylərin bundan sonra da ardıcıl şəkildə davam etdiriləcəyinə əminliyini bildirib.