Azərbaycan, Bakı, 21 dekabr / Trend , müxbir K.Zərbalıyeva/
Adam oğurluğunda ittiham olunaraq beynəlxalq axtarışa verilmiş azərbaycanlı qadın Türkiyədə saxlanılıb.
Daxili İşlər Nazirliyinin mətbuat xidmətindən çərşənbə axşamı Trend -a verilən məlumata görə, Nərgiz Hüseynova Azərbaycan Respublikasında İnterpolun Milli Mərkəzi Bürosu əməkdaşlarının keçirdikləri əməliyyat-axtarış tədbirləri nəticəsində saxlanılıb.
O, Goranboy Rayon Polis Şöbəsi tərəfindən Cinayət Məcəlləsinin 144 (adam oğurluğu) və 243-cü (fahişəliyə cəlb etmə) maddələri ilə axtarışda olub.
Onun ekstradisiyası üçün tədbirlər görülür.