...

Azərbaycanın siyasi partiyası parlament seçkilərində iştirak formasını dəqiqləşdirib

Siyasət Materials 29 İyun 2010 16:51 (UTC +04:00)
Azərbaycan Yaşıllar Partiyası 2010-cu il parlament seçkilərində iştirak formasını dəqiqləşdirib.
Azərbaycanın siyasi partiyası parlament seçkilərində iştirak formasını dəqiqləşdirib

Azərbaycan, Bakı, iyun /Trend, müxbir M.Əliyev/

Azərbaycan Yaşıllar Partiyası 2010-cu il parlament seçkilərində iştirak formasını dəqiqləşdirib.

Partiya sədri Mais Güləliyev Trend-ə bildirib ki, partiyanın İdarə Heyətinin çərşənbə axşamı keçirilən iclasında partiyanın seçkilərə sərbəst şəkildə qoşulması qərara alınıb.

Azərbaycanda parlament seçkilərinin 2010-cu ilin noyabr ayının 7-də keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.

"İclasda Yaşıllar Partiyası Bakıdan beş, regionlardan beş nəfər namizəd irəli sürməyi qərara alıb ki, bunların da çoxu gənclərdir", - Güləliyev bildirib.

Azərbaycan Yaşıllar Partiyası 2006-ci ilin dekabrında yaradılıb.

Xəbər lenti

Xəbər lenti