Azərbaycan, Bakı, 9 iyul /Trend/
Ermənistanda hərbi akademiyanın açılması planlaşdırılır. Trend-in məlumatına görə, bu barədə şənbə günü Ermənistanın müdafiə naziri Seyran Ohanyan Silahlı Qüvvələrin gənc zabitlərinin ümumordu konfransında bəyan edib.
"Hərbi akademiyanın açılması bu gün hərbi təhsil konsepsiyasında islahatlar məsələsinə yönələn ən vacib istiqamətlərdən biridir. Bu konsepsiyanın hazırlanmasına artıq başlanılıb və biz bu proqramı 2014-cü ildə reallaşdıracağıq", - nazir bəyan edib.