Azərbaycan, Bakı, 5 mart /Trend, müxbir E.Mehdiyev/
ATƏT-in Bakı ofisi gənc siyasi fəallar üçün ictimai əlaqələr və siyasi kampaniyanın həyata keçirilməsi üzrə dörd günlük treyninq təşkil edir.
Trend ATƏT-in rəsmi saytına istinadən xəbər verir ki, aprelin 5-də Bakı şəhərində start götürən treyninqdə siyasi partiyaların gənclər təşkilatlarının 30-a yaxın nümayəndəsi demokratik institutların yaradılması prosesini təhlil edəcək, beynəlxalq təcrübə mübadiləsi aparacaq, siyasi proseslərdə qadınların rolunu müzakirə edəcəklər. Həmçinin treyninq iştirakçılarına ATƏT-in öhdəlikləri barədə məlumat veriləcək.
"Azərbaycanda gənclər siyasətdə və cəmiyyətdə mühüm rol oynayır. Bu treyninqin məqsədi gənc nəslin Azərbaycanın gələcək inkişafı prosesində fəal iştirakı üçün vərdişlərə yiyələnməsinə kömək göstərməkdir", - ATƏT-in demokratikləşdirmə təsisatının rəhbəri Nikolas Detsç deyib.