Azərbaycan, Bakı, 27 mart /Trend, müxbir İ.İzzət/
Daxili İşlər Nazirliyi Daşqın Məlikovun həbsi ilə bağlı məlumat yayıb.
Trend Daxili İşlər Nazirliyinin rəsmi məlumatına istinadən xəbər verir ki, Sumqayıt Şəhər Polis İdarəsinin əməkdaşlarının keçirdikləri əməliyyat-axtarış tədbirləri nəticəsində şəhər sakini Daşqın Məlikovdan 1,49 qram tiryək və 1 ədəd saxta 100 manatlıq əsginas götürülüb.
Daşqın Məlikov barəsində Sumqayıt Şəhər Məhkəməsi tərəfindən həbs-qətimkan tədbiri seçilib.
Qeyd edək ki, Daşqın Məlikov AXCP Sumqayıt şəhər təşkilatının üzvüdür.