Azərbaycan, Bakı, 25 aprel /Trend, müxbir E.Mehdiyev/
Bakı Şəhər İcra Hakimiyyəti (BŞİH) Demokratik Qüvvələrin Məşvərət Məclisinin aprelin 28-də paytaxtın mərkəz yerlərindən birində aksiya keçirilməsi ilə bağlı müraciətini cavablandırıb.
Məşvərət Məclisində təmsil olunan Azadlıq Partiyasının sədri Əhməd Oruc Trend-ə bildirib ki, cavab məktubunda BŞİH aksiyanın müraciətdə göstərildiyi yerlərdə - "Təbriz" kinoteatrının qarşısındakı meydan, Binəqədi rayonunda "Dərnəgül" metrostansiyasının çıxışındakı meydan və Nəsimi rayonu 20 Yanvar küçəsindəki meydanda keçirilməsini məqsədəuyğun saymayıb.
Paytaxt rəhbərliyi bunun əvəzində aksiyanın Bibiheybət qəsəbəsi, 20-ci sahə yaşayış massivi, Elçin Əzizov küçəsində yerləşən sürücülük məktəbinin həyətindəki meydançada keçirilməsini təklif edib.