Azərbaycan, Bakı, 27 oktyabr / Trend /
Çexiyada növbədənkənar parlament seçkilərində bütün bülletenlərin hesablanmasından sonra solçu Sosial-demokrat partiyası 20.45% səs toplayıb. Trend BBC-yə istinadən bu barədə məlumat verir.
Beləliklə, sosial-demokratlar 200-dən 50 yeri əldə ediblər. Hökuməti formalaşdırmaq üçün bu, yetərli deyil, partiya koalisiya barədə danışıqlara başlayacaq.
Bu partiyanın müttəfiqləri, 14.91% səs toplayaraq 33 yer əldə edən, üçüncü yeri tutmuş kommunistlərdir.
İkinci yeri 18.65% səs toplayaraq, parlamentdə 47 yer əldə edən yeni sentrist partiyası "Narazı vətəndaşlar aksiya"sı (NVA) olub.
Bir çox müşahidəçilər NVA-nın yüksək nəticəsini gözlənilməz adlandırıblar.