Azərbaycan, Bakı, 7 avqust /Trend, müxbir Elmira Tariverdiyeva/
Azərbaycan, Türkiyə və Gürcüstan xarici işləri nazirlərinin növbəti görüşü bu ilin noyabrında keçiriləcək. Trend-in məlumatına görə, bunu jurnalistlərə Gürcüstanın Azərbaycandakı səfiri Teymuraz Şaraşenidze deyib.
Onun sözlərinə görə, görüşdə regional əməkdaşlıq məsələləri müzakirə ediləcək.
Qeyd edək ki, tərəflərin ilk üçtərəfli görüşü 2012-ci ilin iyununda Türkiyənin Trabzon şəhərində keçirilib. İndiyədək bu formatda 4 görüş baş tutub.