Bakı. Trend:
Ermənistan XX əsr boyu mərhələ-mərhələ Qərbi Azərbaycandakı toponimləri tamamilə erməniləşdirib.
Trend-in məlumatına görə, bunu AMEA-nın prezidenti, Milli Məclis yanında Toponimiya Komissiyasının sədri, akademik İsa Həbibbəyli Milli Məclisdə “Qərbi Azərbaycan Toponimləri: tarixin təhrif olunmasından ədalətin bərpa edilməsinədək” mövzusunda ictimai dinləmədə çıxışı zamanı deyib.
O qeyd edib ki, 1988-1991-ci ildə azərbaycanlıların tam olaraq öz ata-baba torpaqlarından qovulması ilə Azərbaycan adları tam erməniləşdirilib.
İ.Həbibbəylinin sözlərinə görə, bulaq adlarından tutmuş şəhər adlarına qədər bütün Azərbaycan toponimləri erməniləşdirilib:
“Dünyanın heç bir yerində ermənilərin bu siyasəti kimi siyasət yoxdur. Bu bir xalqa qarşı total soyqırımı hadisəsidir. Ermənistan beynəlxalq məhkəmə qarşısında cavab verməlidir”.