"Türkiyədə Qlobal Ədalət Təşəbbüsü, Berlin Aspen İnstitutu, Amerika Sahibkarlıq Təşəbbüsü və Avroatlantika Əməkdaşlıq İnstitutunun da daxil olduğu bir neçə qeyri-hökumət təşkilatı Dünya Qeyri-hökumət Təşkilatları Azərbaycan İşçi Qrupunu (DQHTAQ) yaradılıb" Bu barədə Trend ə DQNTAQ-ın mətbuat xidmətindən məlumat daxil olub.
Məlumatda bildirilib ki, yeni yaradılan qrupun məqsədi Azərbaycan iqtisadiyyatının qlobal dünya bazarına inteqrasiyasının sürətləndirilməsinə beynəlxalq yardımın təmin edilməsində əlaqələndirilmiş strategiyaları inkişaf etdirməkdir.
Qlobal Ədalət Təşəbbüsü təşkilatının yaradıcısı və prezidenti Karen Tramontano deyib ki, BTC neft kəmərinin yaxın vaxtlarda işə düşməsi baxımından bu qrupun yaradılması Azərbaycanın inkişafında həlledici bir məqama təsadüf edir.
Amerika Sahibkarlıq Təşəbbüsü təşkilatının təmsilçisi Molli Makkyu isə qeyd edib ki, BTS neət kəməri həm regiondakı güc balansını, həm də Azərbaycanın öz daxilindəki güc balansını yüksəltmək potensialına malikdir.
"Ölkəmizi daha da firavan gələcəyə aparan ən yaxşı yolların müəyyən edilməsində əsas məsuliyyət bir Azərbaycan vətəndaşı kimi məhz bizim üzərimizə düşür.
Azərbaycan İşçi Qruppu rəngarəng təcrübə və ideyalar ətrafında birləşərək bu məqsədi həyata keçirmək üçün ideal platforma hazırlayıb" - bunu isə Azərbaycandakı İNAM Plüralizm Mərkəzinin direktoru Valid Qazi bildirib.
