Azərbaycan və Rumıniya arasında ikitərəfli əməkdaşlığın inkişafına dair 10 yaxın sənədin layihəsi hazırlanır.
Trend in xəbər verdiyi kimi, sənədlər iqtisadi və humanitar əməkdaşlıq sahələrini əhatə edir. Bu sənədlər arasında terrorla mübarizə, telekommunikasiya, kənd təsərrüfatı, bank fəaliyyəti və digər sahələrdə əməkdaşlığa dair sazişlərin layihələri də var.
Sənədlərin layihələrinin bir hissəsi üzərində iş artıq başa çatmaq üzrədir. Bu sənədlərin Rumıniya prezidenti Trayan Baseskunun Azərbaycana qarşıdakı rəsmi səfəri zamanı imzalanacağı nəzərdə tutulur.
Sənədlər ikitərəfli iqtisadi əməkdaşlıq üzrə hökumətlərarası komissiyanın qarşıdakı iclasında tam razılaşdırılacaq.
