Ağdam rayonunda güclü külək 6 elektrik dirəyini, çoxlu ağacı aşırıb, 100 km -dən çox elektrik naqilini qırıb. Trend in bölgə müxbiri xəbər verir ki, rayonun Əfətli kəndində 100 kVt-lıq transformatoru sıradan çıxardıb.
Ağdam rayon Paylayıcı Elektrik Şəbəkəsinin rəis əvəzi İ.Əliyevin verdiyi məlumata görə, Ağcabədi rayonunda 330 kVt-lıq yarımstansiyanın təmir işləri getdiyi üçün rayonda 15 saatdan çox elektrik olmayacaq.
Qeyd edək ki, ötən gün Bərdə rayonunda da təxminən saat 17:20-dən başlayan külək rayonda elektrik verilməsində xeyli fasilələr yaradıb. Nəzərə alsaq ki, rayonda su artezianlarında mühərriklər elektriklə işləyir, onda başa düşmək çətin olmaz ki, içməli su məsələsində də problemlər yaranıb.