...

Tbilisidə Cənubi Qafqaz tələbələrinin çəkdikləri sənədli filmlərin festivalı keçiriləcək

Cəmiyyət Materials 25 Oktyabr 2007 20:38 (UTC +04:00)

Gürcüstan, Tbilisi/ Trend müxbir N.Kirtsxaliya/ Tbilisinin "Rustavi" kinoteatrında oktyabrın 31-də Gürcüstan, Azərbaycan və Ermənistan tələbələrinin çəkdikləri sənədli filmlərin festivalı keçiriləcək. Festival "Yol kəsişməsində" adını daşıyır və "İnternyus", "İnternyus Azərbaycan", "İnternyus Ermənistan" Fondlarının həyata keçirdiyi Cənubi Qafqaz "Telesənədləşmə emaltxanası - yol kəsişməsində" regional media-layihəsinin yekunu olacaq.

Layihənin maliyyə dəstəyini "Avrasiya" Fondu təmin edib.

Festivala 21 film təqdim olunub və qaliblər açağıdakı nominasiyalar üzrə müəyyənləşdiriləcək:

1. Festivalın ən yaxşı filmi

2. Ən yaxşı əməkdaşlıq

3. Xüsusi xəyal/orijinal ideya

4. Ən yaxşı rejissor işi

5. Ən yaxşı ssenari

6. Ən emosianal film

7. Münsiflərin xüsusi mükafatı

Festivalın ən yaxşı filmi Qran-pri ilə mükafatlandırılacaq, digər nominasiyaların qalibləri isə, hədiyyə və diplomlar alacaqlar. Festivala təqdim olunan 7 dəqiqəlik filmlər Gürcüstan, Azərbaycan və Ermənistanda hazırlanıb.

Filmlərin hazırılandığı bütün proses ərzində - mövzu seçilməsindən montaja qədər, gənc müəlliflər "İnternyus" Fondunun əməkdaşları ilə - prodüser, operator və rejissorlarla məsləhətləşiblər.

Xəbər lenti

Xəbər lenti