Azərbaycan, Bakı, 24 sentyabr /Trend/
Bakıda sentyabrın 29-da Müstəqil Dövlətlər Birliyinin Miqrasiya Orqanları Rəhbərləri Şurasının (MDB MORŞ) növbəti 8-ci iclası keçiriləcək. Məlumatı cümə günü Azərbaycan Dövlət Miqrasiya Xidmətinin mətbuat xidməti yayıb.
Tədbirdə MDB iştirakçı dövlətlərində miqrasiya sahəsində vəziyyət, "MDB iştirakçı dövlətlərinin 2009-2011-ci illər üçün qeyri-qanuni miqrasiya ilə mübarizə üzrə" Proqramın icrası, "MDB iştirakçı dövlətlərinin 2012-2014-cü illər üçün qeyri-qanuni miqrasiya ilə mübarizə üzrə" Proqramın hazırlanmasına dair təkliflər və digər məsələlər müzakirə olunacaq.