Azərbaycan, Bakı, 13 oktyabr /Trend, müxbir T.Cəfərov/
İranda Azərbaycanın qədim nağılları və unudulmuş oyunları haqqında radioveriliş efirə çıxacaq. Bu barədə çərşənbə günü Trend İSNA xəbər agentliyinə istinadən məlumat yayıb.
Məlumata əsasən, radioveriliş "Sözlər - söhbətlər" adı altında Ərdəbil radiosunda səslənəcək. Verilişdə el nağılları, el oyunları və bayatılar səslənəcək. Hər bir verilişdə atalar sözlərindən biri mövzu seçiləcək.