Azərbaycan, Bakı, 1 mart /Trend, müxbir M.Əliyev/
Azərbaycanda martın 13-də ümumi orta (9-cu sinif) və tam orta (11-ci sinif) təhsil səviyyələri üzrə yoxlama imtahanları keçiriləcək. Trend-in məlumatına görə, bu barədə çərşənbə axşamı Təhsil Nazirliyindən bildiriblər.
İmtahanlar Gəncə, Mingəçevir və Naftalan şəhərlərində, Ağsu, Ağdaş, Göyçay, Samux, Daşkəsən, Goranboy, Göygöl, Xocavənd və Tərtər rayonlarında keçiriləcək.
Fevralın 27-də Azərbaycanın peşə liseylərində tam orta təhsil səviyyəsi üzrə (9-cu sinifdən peşə təhsili müəssisəsinə daxil olanlar üçün) mərkəzləşdirilmiş yoxlama imtahanı keçirilib. 29 mərkəzdə keçirilmiş yoxlama imtahanına 23 şəhər və rayonda yerləşən peşə liseylərinin 4770 şagirdi cəlb edilib.