Azərbaycan, Bakı, 24 oktyabr /Trend, müxbir A.Tağıyeva/
Türkiyə öz qırıcı təyyarələrinin xarici istehsalçıların nəzarətindən müdafiə sistemini yaradır.
Trend-in Türkiyə KİV-ə istinadən verdiyi məlumata görə, sistem xaricdən alınmış qırıcıların, eləcə də F-16-nın elektron çipinin yaradılmasını nəzərdə tutur. Bu çip təyyarələrin xarici istehsalçıların nəzarəti altına düşməsinin qarşısını alır, eləcə də onların uçuşlarına təsir etməyə imkan vermir.
Türkiyə hökuməti bu layihəyə ilk mərhələdə 5 milyon lirə ayırıb.