Azərbaycan, Bakı, 24 dekabr / Trend, müxbir H.Vəliyev /
2013-cü ilədək təcili tibbi yardım avtomobilləri elektron sağlamlıq kartlarından məlumatları oxumaq üçün mobil qurğularla təchiz ediləcək. Bu barədə bazar ertəsi Trend-ə Azərbaycan Səhiyyə Nazirliyinin İctimai Səhiyyə və İslahatlar Mərkəzinin direktor müavini Cəbrayıl Əsədzadə bildirib.
Əsədzadənin sözlərinə görə, hazırda avadanlığın tədarükçüləri ilə danışıqlar aparılır və qurğu təxminən gələn ilin birinci rübünün sonunadək gətiriləcək.
Bu gün mobil qurğuların inteqrasiyasını və onların mərkəzi məlumat bazası ilə avtomatik işini təmin edən proqram modulunun hazırlanması üzrə işlər başa çatıb.
İlkin mərhələdə layihə Bakıdakı tibbi yardım maşınlarında tətbiq olunacaq. Layihənin uğurla reallaşdırılması gələcəkdə onun ölkənin regionlarınadək genişləndirilməsinə xidmət edəcək.
Tibbi uçotun tətbiqi prosesinin avtomatlaşdırılması zəruri informasiyanın axtarışını asanlaşdırır və diaqnoz qoyma vaxtını qısaldır.
