...

Tağı Əhmədov: Bakıda yeni metrostansiyalar tikilərkən obyektlərin köçürülməsi ilə bağlı çətinlik yaranır

Cəmiyyət Materials 30 Mart 2013 14:52 (UTC +04:00)
Bakıda yeni metrostansiyalar tikilərkən ərazidəki obyektlərin köçürülməsi ilə bağlı çətinlik yaranır.
Tağı Əhmədov: Bakıda yeni metrostansiyalar tikilərkən obyektlərin köçürülməsi ilə bağlı çətinlik yaranır

Trend-i buradan izləyin

Azərbaycan, Bakı, 30 mart /Trend, müxbir İ.İsabalayeva/

Bakıda yeni metrostansiyalar tikilərkən ərazidəki obyektlərin köçürülməsi ilə bağlı çətinlik yaranır. Trend-in məlumatına görə, bunu şənbə günü jurnalistlərə Bakı Metropoliteninin rəisi Tağı Əhmədov deyib.

Onun sözlərinə görə, yeni stansiyaların tikintisi zamanı köçürmələr həddindən artıqdır.

"Tikinti üçün boş yerlər yoxdur. İstər-istəməz köçürmələr olmalıdır. Bununla əlaqədar uzunmüddətli danışıqlar aparılır. İşlər hətta məhkəmələrə düşür. Həmin insanlar birmənalı başa düşməlidir ki, tikilən stansiyalar cəmiyyət və respublikanın gələcəyi üçündür", - Əhmədov bildirib.

O qeyd edib ki, gələn il "Avtovağzal" və " Memar Əcəmi-2" stansiyaları təhvil veriləcək.

"Həmin stansiyaların bu il təhvil verilməsi nəzərdə tutulmuşdu. Amma təəssüflər olsun ki, kommunikasiya işləri və gecikmələrlə əlaqədar bu il mümkün olmadı. Ümid edirəm ki, bu stansiyalar gələn ilin may ayına təhvil veriləcək", - Tağı Əhmədov vurğulayıb.

Məqalədə:
Xəbər lenti

Xəbər lenti