Azərbaycan, Bakı, 4 aprel/Trend, müxbir H. Vəliyev/
Bakıda təcili təxirə salınmaz tibbi yardım avtomobilləri elektron sağlamlıq kartlarından informasiyanın əldə edilməsi üçün mobil qurğularla təchiz edilir. Bu barədə cümə axşamı Trend-ə Səhiyyə Nazirliyi yanında Səhiyyənin İnformasiyalaşdırma Mərkəzinin direktoru Cəbrail Əsədzadə bildirib.
Əsədzadənin sözlərinə görə, hazırda qurğular test rejimində quraşdırılıb və bir neçə avtomobillərdə istifadə edilir. İlin sonunadək Bakıda bütün təcili təxirə salınmaz tibbi yardım avtomobilləri bu qurğularla təchiz ediləcək.
