Azərbaycan, Bakı, 11 dekabr /Trend, müxbir R.Hafizoğlu/
Türkiyənin 19 vilayətində iki gün ərzində güclü qar səbəbi ilə dərslərə fasilə verilib. Trend-in məlumatına görə, bu barədə Türkiyənin Anadolu agentliyi xəbər verib.
Agentliyin məlumatına əsasən, qarla əlaqədar bəzi vilayətlərdə yollar bağlanıb.
Dekabrın 9-da Türkiyənin Ağrı vilayətində bu ilin rekord mənfi temperatur göstəricisi qeydə alınıb. Belə ki, havanın temperaturu mənfi 24 dərəcəyə qədər enib.
Sinoptiklər şiddətli soyuqların həftə sonuna qədər davam edəcəyini bildirirlər.