Azərbaycan, Bakı, 17 fevral /Trend, müxbir İ.İsabalayeva/
Azərbaycanın xarici ölkələrdə və beynəlxalq təşkilatlarda fəaliyyət göstərən diplomatik nümayəndəliklərində və konsulluqlarında xidmət keçən Azərbaycan Respublikası Xüsusi Dövlət Mühafizə Xidmətinin Diptomatik Nümayandəliklərin Mühafizə İdarəsinin zabit heyətinə diplomatik pasportlar veriləcək.
Milli Məclisdən Trend-ə verilən məlumata görə, bu, "Ölkədən getmək, ölkəyə gəlmək və pasportlar haqqında" qanununa edilən yeni dəyişikliklərdə nəzərdə tutulur.
Diplomatik pasportlar Xarici İşlər Nazirliyi tərəfindən verilir.