Azərbaycan, Bakı, 14 avqust /Trend/
Türkiyə Böyük Millət Məclisinin (TBMM) sədri Cəmil Çiçək qardaş ölkədə müalicə alan azərbaycanlı əsgərlərə baş çəkib. Trend-in məlumatına görə, bu barədə Türkiyənin "TRT Haber" telekanalı xəbər verib.
Məlumata əsasən, əsgərləri ziyarət edən Çiçək onların tez bir zamanda sağalmasını diləyib.
Qeyd edək ki, Türk İş Birliyi və Koordinasiya Agentliyi (TİKA) Azərbaycan-Ermənistan qoşunlarının təmas xəttində düşmənin diversiya-təxribat cəhdlərinin və hücumlarının qarşısını alarkən yaralanan əsgərlərimizin müalicəsinə kömək məqsədilə Azərbaycana rəsmən müraciət edib. Azərbaycan Ordusunun üç əsgəri avqustun 9-dan müalicələrini Türkiyədə davam etdirirlər.