...

Bakı məktəblərində müəllim və valideynlərin qəbuluna başlanılır

Cəmiyyət Materials 17 Sentyabr 2014 12:25 (UTC +04:00)
Bakı Şəhəri üzrə Təhsil İdarəsi yeni tədris ilindən başlayaraq Bakı şəhərində rayonlar üzrə ayrı-ayrı məktəblərdə müəllim və valideynlərin qəbulunu keçirməyə başlayır.
Bakı məktəblərində müəllim və valideynlərin qəbuluna başlanılır

Trend-i buradan izləyin

Azərbaycan, Bakı, 17 sentyabr /Trend, müxbir İlhamə İsabalayeva/

Bakı Şəhəri üzrə Təhsil İdarəsi yeni tədris ilindən başlayaraq Bakı şəhərində rayonlar üzrə ayrı-ayrı məktəblərdə müəllim və valideynlərin qəbulunu keçirməyə başlayır.

İdarədən Trend-ə verilən məlumata görə, ilk səyyar qəbul sentyabrın 19-da Nəsimi və Qaradağ rayonları üzrə keçiriləcək. Nəsimi rayonu üzrə 1 saylı məktəbdə keçiriləcək səyyar qəbula 1, 8, 16, 44, 46, 133 saylı məktəblərin və 6 №-li Uşaq Gənclər Güləş Məktəbi, 25 №-li Uşaq Yaradıcılıq Mərkəzi, 46 №-li Məktəbdənkənar Tərbiyə işi Mərkəzinin müəllim və valideynləri müraciət edə bilərlər.

Sentyabrın 19-da Qaradağ rayonu üzrə 319 saylı məktəbdə keçiriləcək səyyar qəbula isə Sahil qəsəbəsində yerləşən 228, 253, 273, 319, Ümid qəsəbəsində yerləşən 294, Sənqaçal qəsəbəsində yerləşən 222 saylı məktəblərin və 19 № li Uşaq-Gənclər İdman Məktəbinin müəllim və valideynləri müraciət edə bilərlər.

Sentyabrın 20-də Pirallahı rayonu üzrə 243 saylı məktəbdə keçiriləcək səyyar qəbula Pirallahı və Çilov qəsəbələrində yerləşən 131, 168, 186, 235, 243, Zirə qəsəbəsində yerləşən 122, 120, 241, 324, Gürgən qəsəbəsində yerləşən 231 saylı məktəblərin və 29 №li Uşaq Yaradıcılıq Mərkəzinin müəllim və valideynləri müraciət edə bilərlər.

Səyyar qəbullar saat 10:00-da başlayacaq və vətəndaşların müraciəti bitənədək davam edəcək. Vətəndaşların qəbulunu Bakı Şəhəri üzrə Təhsil İdarəsinin rəhbərliyi və struktur bölmələrinin üzvləri həyata keçirəcək.

Görüşlər vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətini artırmaq, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədini daşıyır.

Məktəblərdə səyyar qəbullar keçirilərək müəllim və valideynləri narahat edən məsələlər BŞTİ-nin rəhbər şəxsləri tərəfindən diqqətlə öyrəniləcək, problemli məsələlər həll ediləcək və lazımi təşkilatı və maarifləndirmə tədbirləri görüləcək.

Məqalədə:
Xəbər lenti

Xəbər lenti