Azərbaycan, Bakı, 22 may /Trend, müxbir İlkin İzzət/
Baş nazirin müavini, Bakıda baş verən yanğınla əlaqədar yaradılan Dövlət Komissiyasının sədri Abid Şərifov səhər saatlarında yanğın baş verən əraziyə gedib.
Trend-in hadisə yerində olan əməkdaşının məlumatına görə, Abid Şərifov Binəqədi rayon İcra Hakimiyyətinin başçısı Xaləddin İsgəndərovla birlikdə əraziyə baxış keçirib, binada təmir-bərpa işlərinə hazırlıqla bağlı göstərişlər verib.
Qeyd edək ki, binanın bərpa olunması ilə bağlı qərar qəbul edilib.
Xatırlaqdaq ki, mayın 19-da Binəqədi rayonunda yerləşən çoxmərtəbəli binada baş verən yanğın nəticəsində 15 nəfər ölüb.