Bakı. Elmir Murad - Trend:
Azərbaycan Milli Elmlər Akademiyasının (AMEA) Nəsimi adına Dilçilik İnstitutuna yeni direktor təyin olunub.
Bu barədə Trend-ə İnstitutdan bildiriblər.
Verilən məlumata görə, instituta yeni təyin olunan direktor AMEA-nın müxbir üzvü Möhsün Nağısoyludur. Təyinat bu gün saat 12:00-da həyata keçirilib.
Qeyd edək ki, M.Nağısoylu bir müddət idi ki, İnstitutun direktor vəzifəsini icra edirdi.
Xatırladaq ki, Dilçilik İnstitutunun direktoru akademik Tofiq Hacıyev noyabrın 27-də mənzilində dəm qazından boğularaq dünyasını dəyişib.