Bakı. Trend:
Tovuz rayonunda Heydər Əliyevin anadan olmasının 93 illiyi münasibətilə yaşıllaşdırma aksiyası keçirilib.
Trend Kəpəz TV-yə (Region TV) istinadən xəbər verir ki, Tovuzda Ulu öndər Heydər Əliyevin anadan olmasının 93 illiyi münasibətilə yaşıllaşdırma aksiyası keçirilib.
Dahi şəxsiyyətin abidəsi ziyarət edildikdən sonra rayon ictimaiyyəti Tovuz çayı ətrafında, magistral yolların kənarında 2 mindən çox sərv, şam, tuya ağacları əkib.
Heydər Əliyev adına mədəniyyət və istirahət parkında rayon gəzintisi olub. Aksiya qarşıdakı günlərdə də davam etdiriləcək.
