Bakı. Trend:
Təklif etdiyi təhsil proqramları ilə bir dünya markasına çevrilən UNEC brendi dünya təhsil məkanında mövqeyini gücləndirməkdə davam edir.
Trend-in məlumatına görə, belə ki, Azərbaycan Dövlət İqtisad Universitetinin UNEC brendi dünyanın ən böyük dövlətlərindən olan Rusiyanın Əqli Mülkiyyət üzrə Federal Xidmətləri (ROSPATENT) tərəfindən də tanındı.
Əhatə dairəsini gündən-günə genişləndirən UNEC daha öncə Litva, Latviya, Polşa, Slovakiya, Macarıstan, Xorvatiya, Türkiyə və Estoniyada qeydiyyatdan keçmişdir.
Artıq 9 ölkədə tanınan UNEC brendinin digər xarici ölkələrdə də qorunma altına alınması gözlənilir.