Bakı. Trend:
Milli Məclis İnsan alverinə qarşı mübarizə üzrə Milli Koordinatorun illik məlumatını qəbul edib.
Trend-in məlumatına görə, sənədi Azərbaycanın İnsan Alverinə Qarşı Mübarizə üzrə Milli Koordinatoru, daxili işlər nazirinin birinci müavini, polis general-leytenantı Seyfulla Əzimov təqdim edib.
O qeyd edib ki, Azərbaycanda insan alverinə qarşı mübarizə tədbirləri gücləndirilib, bu sahədə maarifləndirmə işləri aparılıb və qanunvericilik bazası təkmilləşdirilib.
Müzakirələrdən sonra hesabat səsverməyə qoyularaq qəbul edilib.