Bakı. Trend:
Mənim üçün Laçını görmək və yenidən Laçında yaşamaqdan böyük qürur ola bilməz.
Bunu Trend-ə açıqlamasında Laçın sakini Roza İmanova deyib.
Onun sözlərinə görə, Laçından 40 yaşında çıxıb və artıq yaşı 70-dən çoxdur.
Laçın sakini deyib ki, doğma yurdu necə görəcəyinə həm çox sevinir, həm də çox həyəcanlıdır.
"Allah Prezidentimizi var eləsin, qazilərimizə çan-sağlığı versin, şəhidlərimizə rəhmət eləsin. Ali Baş Komandanımızın dünənki çıxışı bizi bir daha ürəkləndirdi. Ötən gecəni sevincimizdən yata bilməmişik. Uşaqdan böyüyə hamımız sevinirik", - deyə o qeyd edib.
Qeyd edək ki, bu gün Laçına daha 25 ailə, 96 nəfər yola salınıb. Bununla da Laçın şəhərində 252 ailə, yəni 1052 nəfərin daimi məskunlaşması təmin edilib.