Bakı.Trend:
Bakıda və Abşeron yarımadasında tozlu hava şəraiti müşahidə olunur.
Trend Ekologiya və Təbii Sərvətlər Nazirliyinə istinadən xəbər verir ki, avtomatik stansiyalardan əldə olunan məlumata görə,hazırda havada tozun miqdarı normadan 1.3-1.4 dəfə artıqdır.
Havada müşahidə olunan toz meteoroloji şəraitlə əlaqədar transsərhəd xarakterlidir, şimal-şərq küləkləri vasitəsilə Xəzər dənizi üzərindən cənub istiqamətli hava axını ilə ölkə ərazisinə daxil olur.
Tozlu hava şəraitinin meteoroloji vəziyyətdən asılı olaraq yaxın iki gün ərzində davam edəcəyi gözlənilir.