Bakı. Trend:
Yaponiyada iyunun 1-dən qüvvəyə minmiş yeni qanunvericiliyə əsasən, yüksək temperatur şəraitində əməkdaşlarının təhlükəsizliyini təmin edə bilməyən şirkətlər cərimələnəcək.
Trend-in məlumatına görə, bu qanun iqlim dəyişikliyi fonunda isti hava şəraitində işçi hüquqlarını qorumağa yönəlmiş milli səviyyəli nadir tədbirlərdən biri hesab olunur.
Yaponiya Səhiyyə Nazirliyinin açıqlamasına görə, ötən il ölkədə iş yerlərində istilə bağlı hadisələr nəticəsində 30 nəfər həyatını itirib, təxminən 1200 nəfər xəsarət alıb. Ən çox zərər çəkənlər tikinti və istehsalat sahələrində çalışanlar olub.
Yeni qaydalara əsasən, müdafiə tədbirlərinin yetərsiz olduğu hallarda müəssisələr 500 min yen (təxminən 3475 ABŞ dolları) məbləğində cərimə ediləcək.