Azərbaycan, Bakı, 27 oktyabr /Trend/
Bu gün Premyer Liqada 11-ci turun son və mərkəzi qarşılaşmasında "Xəzər Lənkəran" "Qarabağ"ı qəbul edib.
Trend-in məlumatına görə, oyun Ağdam təmsilçisinin 3:0 hesablı qələbəsi ilə başa çatıb.
Qolları 22 və 65-ci dəqiqələrdə Reynaldo, 73-cü dəqiqədə isə Gelaşvili vurub. Bununla da xallarını 24-ə çatdıran "Qarabağ" turnir cədvəlinin vahid lideri olub.
"Neftçi" və "Qəbələ" klubları isə 22 xalla ikinci və üçüncü yerləri bölüşdürürlər.