Azərbaycan, Bakı, 18 sentyabr /Trend/
"Komandam yaxşı oynadı. Rəqiblə müqayisədə daha üstün idik".
Trend-in məlumatına görə, bu sözləri PAOK-un baş məşqçisi İqor Tudor Avropa Liqasının qrup mərhələsində "Qəbələ" ilə oyundan (0:0) sonra keçirilən mətbuat konfransında deyib.
O, "Qəbələ" ilə heç-heçəni yaxşı nəticə saydığını bildirib:"Əlbəttə, Bakıya qələbə üçün gəlmişdik. Ancaq səfərdə "Qəbələ" kimi klubla oynamaq elə də asan deyil. Məğlub ola da bilərdik. Buna görə də bir xalı da yaxşı nəticə hesab etmək olar".