Bakı. Trend:
Bu gün Azərbaycan Kubokunda yarımfinal mərhələsinin cavab oyunları keçirilir.
Trend-in məlumatına görə, "Qəbələ" doğma meydanda "İnter"i qəbul edib. İlk oyunda rəqibinə 3:1 hesabı ilə qalib gələn meydan sahibləri bu dəfə də inamlı təsir bağışlayıblar.
Əvvəlcə 12-ci dəqiqədə Daniel Subotiç hesabı açıb. 33-cü dəqiqədə Baqali Dabo bakılıları ikinci dəfə məyus edərək son nöqtəni qoyub - 2:0.
Beləliklə, "Qəbələ" cari mövsümdə Azərbaycan Kubokunun ilk finalçısı olub.
Digər yarımfinal matçında isə "Qarabağ" və "Neftçi" komandaları qarşılşacaq.