Bakı. Trend:
“Qarabağ”ın Avropa Liqasının 1/8 finalındakı rəqibi “Bayer” cavab matçı ilə bağlı paylaşım edib.
Trend İdman.biz-ə istinadən xəbər verir ki, Leverkuzen təmsilçisi bu mövsüm Azərbaycan çempionu ilə oyunları xüsusi vurğulayıb.
Paylaşımda Azərbaycan çempionuna böyük hörmət bəslənildiyi qeyd olunub: “Komandanıza böyük hörmət düşür. Bizə qarşı 4 əla matç keçirdiniz, amma zəhmət olmasa, bunu bir daha etməyək”.
Qeyd edək ki, “Qarabağ”la “Bayer” arasında Bakıdakı oyun 2:2, səfərdəki qarşılaşma isə 2:3 hesabı ilə yekunlaşıb.