Bakı. Trend:
Çempionlar Liqasının III təsnifat mərhələsinin "Dinamo" (Kiyev) - "Reyncers" oyununun VAR hakimlərinin təyinatı ləğv olunub.
Trend İdman.biz-ə istinadən xəbər verir ki, polşalı hakimlər Bartoş Frankovski və Tomaş Musyal oğurluqda ittiham olunub.
Onlar sərxoş halda yol hərəkəti nişanını oğurlayıblar. Bu barədə məlumat alan polis hakimləri hadisə yerində yaxalayıb.
Qeyd edək ki, Polşa Futbol İttifaqı məsələ ilə bağlı araşdırma aparacağını bildirib. Hakimlərin günahı sübut olunarsa, onlar vəzifəsindən uzaqlaşdırılacaq.