Bakı. Trend:
“Sumqayıt” bu gün heyətini daha bir legionerlə gücləndirib.
Trend İdman.biz-ə istinadən xəbər verir ki, komanda Alan Diasla müqavilə imzalayıb.
Braziliyalı futbolçu ilə 1+2 illik razılıq əldə olunub. 25 yaşlı müdafiəçi "Sumqayıt"da 5 nömrəli formada çıxış edəcək. Diasın çıxış etdiyi son klub "Lokomotiv" (Sofiya) olub. Alan yanvar ayından klubsuz qalıb.
Qeyd edək ki, Samir Abasovun komandası bundan əvvəl Rəhim Sadıxov, Fernando Medeiros, Slavişa Radoviç, Nikola Vuynoviç, Sərtan Taşqın və Silvanus Nimelinin keçidini reallaşdırıb.