Bakı. Trend:
Portuqaliya millisinin və “Portu” klubunun qapıçısı Dioqo Kosta klubunu dəyişmək niyyətindədir.
Trend-in məlumatına görə, bu barədə “Mercato” nəşri xəbər yayıb.
25 yaşlı qolkiper İngiltərə Premyer Liqasında, xüsusilə də “Mançester Siti”nin baş məşqçisi Pep Qvardiolanın rəhbərliyi altında oynamaq istəyir. Futbolçu artıq bu transferə “yaşıl işıq” yandırıb.
Qeyd edək ki, Dioqo Kostanın “Portu” ilə mövcud müqaviləsi 2027-ci ilin yayına qədər qüvvədədir. O, 2019-cu ildən bəri Portuqaliya klubunun əsas heyətində çıxış edir və son illərdə həm yerli çempionatda, həm də beynəlxalq arenada parlaq oyun nümayiş etdirib.