Bakı. Trend:
Ümumi mərhələnin səkkiz turundan sonra Avropa Liqasında qələbə uğrunda mübarizəni davam etdirəcək 24 komanda açıqlanıb.
Trend xəbər verir ki, ümumi mərhələdə otuz altı komanda iştirak etdi. İlk səkkiz komanda 1/8 finala vəsiqə qazandı. 9-cu yerdən 24-cü yerə qədər olan klublar 1/8 finala vəsiqə qazanmaq üçün pley-off mərhələsində oynayacaqlar.
1/8 finala vəsiqə qazanan komandalar Fransanın "Lion", İngiltərənin "Aston Villa" (hər ikisi 21 xalla), Danimarkanın "Midtyulland" (19), İspaniyanın "Betis", Portuqaliyanın "Porto" və "Braqa", Almaniyanın "Frayburq" (hamısı 17 xalla) və İtaliyanın "Roma" (16) komandaları olub.
1/8 finala vəsiqə uğrunda matçlarda Belçikanın "Genk" (16), İtaliyanın "Bolonya", Almaniyanın "Ştutqart", Macarıstanın "Ferensvaroş" (hamısı - 15), İngiltərənin "Nottinqem", Çexiyanın "Viktoriya", Serbiyanın "Srvena Zvezda" (hamısı - 14), İspaniyanın "Selta" (13), Yunanıstanın "PAOK" və "Panatinaikos", Fransanın "Lill", Türkiyənin "Fənərbağça" (hamısı - 12), Şotlandiyanın "Seltik" (11), Bolqarıstanın "Ludoqorets", Xorvatiyanın "Dinamo Zaqreb" (hər ikisi - 10) və Norveçin "Brann" (9) komandaları oynayacaq.
Pley-off mərhələsinin püşkatması yanvarın 30-da keçiriləcək. İlk oyunlar fevralın 19-da, cavab oyunları isə fevralın 26-da keçiriləcək.