Bakı. Trend:
Azərbaycan Xəzər Dəniz Gəmiçiliyi QSC (ASCO) 2022-ci ilin 9 ayı üçün yükdaşıma göstəricilərini açıqlayıb.
Bu barədə Trend-ə Azərbaycan Xəzər Dəniz Gəmiçiliyi QSC-dən məlumat verilib.
Cari ilin 9 ayı ərzində ASCO tankerləri ilə 2,3 milyon ton yük daşıyıb.
Bərə və Ro-Pax tipli gəmilərlə daşınan vaqonların sayı 30416 ədəd, avtonəqliyyat vasitələrinin sayı isə 26715 ədəd olub.
ASCO-nun universal quru yük gəmiləri ötən doqquz ay ərzində 807 min ton yük nəql edib.