Bakı. Trend:
Sənaye zonalarının fəaliyyəti Azərbaycanda iqtisadiyyatın şaxələndirilməsinə, investisiyaların cəlb edilməsinə, yeni iş yerlərinin yaradılmasına, yerli istehsalın və ixracın artmasına, eləcə də innovasiyaların təşviqinə töhfələr verir.
İqtisadi Zonaların İnkişafı Agentliyindən (İZİA) Trend-ə verilən məlumata görə, sahibkarlar tərəfindən 2021-2024-cü illər ərzində İZİA-nın idarəçiliyində olan sənaye zonalarına 748 milyon manata yaxın investisiya yatırılıb.
Məlumata görə, həmçinin sözügedən dövr ərzində 865 daimi iş yeri yaradılıb.
Bildirilib ki, bu müddətdə 11,68 milyard manatlıq məhsul satışı həyata keçirilib.
Qeyd olunub ki, satılan məhsulların 4,08 milyard manatlıq hissəsi ixracın payına düşür.