Azərbaycan, Bakı / " müxbir İ.Xəlilova / "Bank Respublika" ilə Beynəlxalq Maliyyə Korporasiyası (BMK) arasında 2007-ci ildə Azərbaycan bankının kapitalında iştirak payı əldə eməyə dair danışıqlar (MFK) başa çatmayıb.
Bankın İdarə Heyətinin sədri Xədicə Həsənova bazar ertəsi bildirib ki, gələn ilin aprelində "Bank Respublika" səhmdarlarının baş tutacaq toplantısı zamanı bu məsələyə baxılması planlaşdırılır.
Danışıqlar "Bank Respublika"nın 10 faizə qədər səhmlərinin alınması ətrafında aparılır.
BMK-nın Direktorlar Şurası "Bank Respublika" kapitalında 4,5 mln. dollara qədər maliyyələşdirməyə dair qərar qəbul edib. Bununla yanaşı, Korporasiya banka əsas borcun iki ilə ödənməsi möhləti ilə beş il müddətinə 1,5 mln. dollar məbləğində kredit xətti ayırıb. Kredit vəsaiti Azərbaycanda xırda və orta sahibkarlığın inkişafına dəstək üçün nəzərdə tutulub.
"Bank Respublika"nın kapitalında artıq xarici iştirak payı mövcuddur. Bu günə qədər bankın 25 faizi və 1 səhmi "Sparkassen International Development Trust" (SIDT, Sparkassen-Finanzgruppe üzvü) və "Deutsche Entwicklungsgesellschaft"ə (DEG, çlen KfW banking group) məxsusdur.
Bununla yanaşı, dekabrın 17-də Asiya İnkişaf Bankı ilə 10 mln. dollarlıq subordinasiya kreditinin ayrılmasına dair saziş imzalanıb. Bu vəsait 8 il müddətinə ikinci dərəcə kapitalına istiqamətlənəcək.