Azərbaycan, Bakı, 26 fevral / Trend , müxbir S.Babayeva / Azərbaycanın iri metallurgiya müəssisəsi "Baku Steel Company" ilin əvvəlindən məhsulun ölkə hüdudlarından kənara ixracını dayandırıb, - çərşənbə axşamı şirkətdən bildiriblər.
"Bu, Azərbaycanın daxili bazarında tələbatın artması ilə əlaqədardır", - şirkətdən bildiriblər.
İki illik fasilədən sonra, ötən ilin sonunda şirkət ixracı bərpa edib və öz məhsullarını kiçik həcmdə İrana satıb. Hazırda ixracın təkrar dayandırılmasına ehtiyac yaranıb.
"Baku Steel Company" 1998-ci ilin aprelində qeydiyyatdan keçib, 2001-ci ilin mayında istehsalata başlayıb. "BSC" -nin illik istehsal gücü 350 min ton təşkil edir. Hazırda şirkət Azərbaycan bazarının 80 faiz tələbatını ödəyir. "BSC" fəaliyyətinə başalayandan, istehsalata $75 mln. investisiya yatırıb.
Müəlliflə əlaqə saxlamaq üçün ünvan: [email protected]
