Azərbaycan, Bakı, 30 may/ Trend / "Azərbaycan Hava Yolları" QSC-nin (AZAL) xüsusi proqrama əsasən, 2013-cü ilədək müasir təyyarələr, vertolyotlar və digər texnikanı almağı planlaşdırır. Bu barədə rəsmi mətbuata müsahibəsində "AZAL"ın birinci vitse-prezidenti Sabir İlyasov məlumat verib.
"Boinq - 737", "Boinq - 787", "Boinq - 767" təyyarələrinin, həmçinin, neft sənayesi üçün nəzərdə tutulan "Sikorski", "Mi - 172" vertolyotlarının alınması planlaşdırılır. Onların servislə təmin edilməsi üçün mütəxəssislərin xüsusi bölməsinin hazırlığı aparılır.
Xüsusi olaraq biznes-mühit üçün nəzərdə tutulan təyyarələrin alınması AZAL üçün əlavə gəlir mənbəyi olacaq.
Hazırda "Aerobus A-390" üçün əlavə uçuş-eniş xətlərinin tikintisi üzrə layihələndirmə işləri aparılır. Uçuş-eniş xətti altında planlaşdırılmış meydançanın hazırlanması, avadanlığın alınması və s. üzrə bütün işlər görülüb.
Regionların sosial-iqtisadi inkişafı proqramı çərçivəsində, hazırda Şəki, Zaqatala, Lənkəran və digər şəhərlərdə hava limanlarının tikintisi və müasirləşdirilməsi üzrə iş aparılır.
Müəlliflə əlaqə saxlamaq üçün elektron ünvan: [email protected]
