Azərbaycan, Bakı, 18 avqust/ Trend , müxbir İ.Xəlilova/ Beynəlxalq Maliyyə Korporasiyasının (BMK) Direktorlar Şurası Azerigazbank üçün $15 mln. məbləğində subordinasiyaedilmiş kreditin təsdiqini yubadır, - bazar ertəsi Korporasiyadan bildiriblər. Krediti avqustun 1-də təsdiqləmək planlaşdırılmışdı.
Sərmayələr bankın kapital bazasının genişləndirilməsi ilə kiçik və orta sahibkarlıq seqmentində pərakanədə xidmətlər sahəsində onun artımının dəstəklənməsinə yönəlib.
Kredit bank və BMK arasında uzunmüddətli əməkdaşlıq çərçivəsində ayrılır. Maliyyə Korporasiyası KOS - un kreditləşməsinin maliyyələşdirilməsi və lizinq əməliyyatları üçün 1998, 2003 və 2006 - cı ildə Azerigazbank-a üç kredit ayırıb. BMK 2006-cı ilin iyununda 1,470 mln. manata Azerigazbank-ın kapitalında 17,5 faiz iştirak payı əldə edib.
Hazırda AGBank-ın iki əcnəbi səhmdarı var. 2008 - ci ilin mayında bankın səhmlərinin 10 faizi nominal dəyəri 1,5 mln. olmaqla, 8,360 mln. manata Amerikanın Kazimir Investment Caspian Fund şirkətinə verilib.
Yeni səhmdarın daxil olması ilə bankın Nizamnamə kapitalı hər səhmin dəyəri 10 min manat olmaqla 26,556 mln. manatadək artıb.
2007- ci il dekabrın 31-nə AGBank-ın aktivləri $184,8 mln., kredit portfeli - $127,2 mln., kapitalı- $21,6 mln. olub. Onun əsas səhmdarları Çingiz Əsədullayev və Fərzulla Yusifov, həmçinin, İFC və Kazimir Caspian Fund Limited şirkətidir. Bankın 13 filialı var.
Avqustun 18-nə olan cari məzənnə -- 0,8146 AZN/USD.
Müəlliflə əlaqə saxlamaq üçün elektron ünvan: [email protected]
