...

Hilton Baku mehmanxanasının tikintisinə $100 mln.-dan çox sərmayə yatırılacaq

Biznes və iqtisadiyyat xəbərləri Materials 11 Oktyabr 2008 14:37 (UTC +04:00)

Azərbaycan, Bakı, 11 oktyabr/ Trend , müxbir Ü.İsmayılova/ Azərbaycanın İSR Holding şirkəti Hilton Baku mehmanxana kompleksinin tikintisinə $140 mln. sərmayə yatıracaq, - Holdinqin rəhbəri İsgəndər Xəlilov şənbə günü bildirib.

ї300 nömrəlik mehmanxana kompleksinin tikintisi iki ay əvvəl başlayıb və 2010 - cu ildə başa çatacaqї, - Xəlilov bildirib.

İSR, layihəni maliyyələşdirmək üçün Türkiyənin YapiKrediBank-ının kreditini cəlb edib. Azərbaycanda Hilton mehmanxanasının tikintisi layihəsi üzrə kredit sazişi sentyabrda Bakıda imzalanıb. Ümumi həcmi $86 mln. olan kreditin $81 mln.-u YapiKrediBank, qalan $5 mln.-u YapiKrediBank Azerbaijan tərəfindən yatırılıb. Kredit ehtiyatları 10 il müddətinə və güzəştli faiz dərəcələri ilə ayrılıb.

Hilton Mehmanxana Korporasiyası dünya mehmanxana bazarında liderdir , 76 ölkədə 2800 -dən çox mehmanxana və 480 min nömrə ona məxsusdur. Mehmanxanadan əlavə, kompleksə iki restoran, sağlamlıq mərkəzi, qapalı hovuz, biznes - mərkəz və dayanacaq daxil olacaq.

YapiKrediBank Azerbaijan artıq 10 ildir ki Azərbaycanın bank sektorunda fəal iştirak edir. Hazırda Bankın aktivləri $125 mln.-a çatır. Bank 1300 hüquqi və 18 min fiziki şəxsə bank xidmətlərinin tam spektrini göstərir. Bank ilin sonunadək fəaliyyət dairəsini genişləndirmək niyyətindədir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti