Azərbaycan, Bakı, 20 noyabr/ Trend , müxbir İ.Xəlilova/ Azərbaycan Milli Bankı Rusiyanın Vneştorqbankına (VTB) Azərbaycanın AF Bank-nın səhm nəzarət paketini almağa icazə verib, - AF Bank-dan cümə axşamı bildiriblər.
Bunadək AF Bank-ın səhmdarı qismində Ugur -97 tikinti şirkəti çıxış edirdi. Şirkət səhmlərin qalan 49 faizini öz mülkiyyətində saxlayıb.
VTB ilə sazişin həcmi açıqlanmır.
Rusiya bankının AF Bank-ın səhmdarlığına daxil olması ilə onun adı "VTB-Azərbaycana dəyişdiriləcək. Lakin qeydiyyat prosesi hələ başa çatmayıb.
Hələ oktyabrda Bakıda bank konfransında iştirak edən VTB-nin İdarə Heyətinin sədri Andrey Kostin Azərbaycanın bank bazarına çıxış üçün bütün maneələrin aradan qaldırıldığını bəan edib. VTB Xankəndidə VTB-Armenia törəmə bankının filialını bağlayıb.
Bank Azərbaycanın Dövlət Neft Şirkəti ilə tərəfdaşlıqda qaz və neft-mədən sənayesində birgə iri layihələrin realizə imkanlarını, respublika iqtisadiyyatının digər sahələrində; qida sənayesi və tikinti sahələrində sərmayə layihələrinin maliyyələşdirilməsinin təşkili perspektivlərini nəzərdən keçiriəcək, - Kostin əvvəllər bildirib.
AF Bank-ın bir filialı və bir bölməsi var. Bank mənzil tikintisini maliyyələşdirir və Azərbaycanda turizm sektorunun inkişafı məqsədilə, üç nəhəng layihənin həyata keçirilməsini planlaşdırır.
Ekspertlər VTB-nin Azərbaycan bank bazarına daxil olması planlarını belə qiymətləndirirlər: "Bank bazarın hələ tam inkişaf etmədiyi və ona daxil olmağın o baha başa gəlmədiyi məqamdan istifadə etmək istəyir". Hazırda Rusiyanın iri banklarından Azərbaycanda yalnız "Uralsib"in törəmə bankı var. Bu, Azərbaycan bazarında 11-ci yeri tutan Nikoil Bank-dır.
VTB-nin Ukraynada iki törəmə bankı var ("VTB-Ukrayna" brendi altında birləşdiriləcək "Vneştorqbank-Ukrayna və "Vneştorqbank-Mriya". Bundan əlavə, VTB-nin Ermənistan və Gürcüstanda da törəmə bankları var.
Müəlliflə əlaqə saxlamaq üçün elektron ünvan: [email protected]
